本周熱帖

2694

查看

1

回復
返回列表

版務員

ArzLan

Rank: 8Rank: 8Rank: 8Rank: 8

go

發燒友神秘組織

樓主
發表於 2013-8-9 09:50 AM | 只看該作者 | 倒序看帖 | 打印
0.jpg


LEGO「磚」員 Show創意               

LEGO看似是小朋友玩意,但在Kidult手中,萬千膠磚卻成為了夢想台階。Andy、Eric、Leo跟William各來自不同行業,但他們同是香港最具規模的非官方LEGO組織Legend Bricks成員,如上月在太古城Piece of Peace世界遺產展中,最矚目的作品如莫高窟、天壇、福建土樓跟四川大熊貓,均出自他們手筆。最近更移師北角參與另一展覽,一於睇吓呢班LEGO「磚」員嘅心路歷程。


0.jpg



發燒友神秘組織      

某程度上,小記覺得Legend Bricks幾似神秘組織,沒有正式入會途徑,能成為一分子既要擁有高超砌LEGO技巧,還要受其他會員認可才能一齊玩,所以由2009年成立至今只有廿多位會員。今次受訪的4位會員,前身是LEGO討論區「人仔倉」版主:「Legend Bricks首個展覽喺2010年舉行,雖然規模細,但反應出乎意料的好,既吸引到LEGO發燒友,亦開闢出與慈善團體、商場及政府機構合作機遇,總之香港哪裏需要LEGO,我們就會出動!」
                                                                        
無私精神尋夢         

當接到新任務時,他們總會聚首研究創作方案,用哪種顏色?預算要多少塊?用甚麼技巧?William表示:「如果一個Project需要3個月時間完成,便要預1個月上網訂組件,死線前幾乎晚晚要喺Workshop過夜!」本身有正職,又要分配時間尋夢,他們卻表示砌LEGO是「Playload」而非「Workload」,如在展覽中砌出莫高窟的Andy話,雖然砌大佛雕塑非他強項,但Legend Bricks最大優點是會員間的合作及無私精神,大家都願意捐出自己的LEGO膠磚,又會互相畀意見。早前更集合了十多位會員、花上9個月時間砌出尖沙咀區LEGO模型,共用上超過100萬塊組件。不過完成每個Project後,他們都會有段「休膠期」,話怕另一半詐型喎。

運輸比砌件難         

搞咗咁多展覽,最深印象係乜?Leo憶述:「有一次將展品運往澳門,收件時發現成件嘢散晒,要花上8小時憑記憶重新裝嵌,但砌完竟剩低不少組件。之後製作大型作品時,便識得將作品拆成不同模組,運到展覽場地再裝嵌。」始終香港地方有限,組件成本又高,不少作品難免會被拆掉再重新砌過。Andy補充:「每件作品都如親生仔女,好唔捨得,但難保這些方塊在幾個月後又會變成另一件作品的一部分!拆件雖然快,但要為過萬塊LEGO分類和分色,可能又要花上成個月時間。」



TOP

sunxingbo50 該用戶已被刪除
沙發
發表於 2015-9-22 09:57 AM | 只看該作者
提示: 作者被禁止或刪除 內容自動屏蔽

TOP