Legend Bricks討論區建築物 › 查看主題
本周熱帖

3963

查看

1

回復
返回列表

Rank: 2Rank: 2

go

[ MOC ] Box N . My Design Studio

樓主
發表於 2014-5-30 11:54 AM | 只看該作者 | 倒序看帖 | 打印
終於完成左呢個用左三個幾月既作品,真係好開心!唔係因為玩 LEGO 唔係因為終於過關,而係呢個 project 帶返我去讀建築既時代!真係要諗 concept 要畫圖、要做空間實驗 spatial experiment 仲有結構!因為呢座樓唔係好似之前既樓咁牆上起牆咁,係幾層都唔同大小,用 LEGO 試起完又拆又試,真係唔容易!

呢座係我個城市既新樓兼新地標,用左完全唔同之前既風格,為呢個地方帶黎全新既 contemporary architecture style! 我唔係起樓擴大個城咁簡單,而係希望呢個作品令城市有新既氣息同設計文化,影響我個城之餘都希望影響到你地啦!

(今次係用左我地則師既 presentation board style 黎 present 呢座作品,嘻嘻 )

0.jpg


成個設計係用左一個最基本既 concept,就係 LEGO 既 idea: block。如果 LEGO 可以用 basic blocks 去砌小模型黎做 form study,咁我地都可以將佢放大,而細節就開始出現喇...



由三個大 block 開始,呢啲盒開始加同減既 operation,去製造出唔到既部份,例如入口同天台既花園。同時又製造出唔同位置既窗口,去等天然光進入 studio 裏面。



而三個大盒係代表唔同既用途。最底既係 reception / lobby 同埋廁所,而中間既係 multi-function space,最特別最突出既佢就係有最特別既用途。係後面既 tower part,就係個公司做野既部份。



用左全白,大家就可以聚焦於個建築物既樣貌同線條...佢真係差唔多用晒我有既白磚!



入口位,有一個玄關添呀...背後仲有個細少既管道房 pipe duct,工人有時候都要黎維修下架!



上到去就係樓底最高既一層喇,可以用黎做會議室,又可以做展覽場地,同埋做發佈會都得!



上一層就係圖房,你又認唔認到呢啲野呢?係攪攪櫃、影印機同埋大型打印機!



佢上面就係大家工作既地方,有晒佢地要既野,包括打印機同水機!又有繪圖板添!

最後就係頂樓,就係我個辦公室,可以見客添呀!呢度都有樓梯上到去天台既花園,可以上黎吸一吸新鮮空氣!



一座建築物唔止係為左用途。如果有設計,建築係可以影響四周既環境、人同文化。我個城市都由歐洲文化氣息濃厚既 modular buildings 建成,而呢座新既當代建築將會為呢度帶黎新既一個面貌同方向。有別於大家好多唔同既 LEGO city,呢度唔止係擴充緊,而係向未來進發緊!

TOP

khb404 該用戶已被刪除
沙發
發表於 2015-10-28 08:05 PM | 只看該作者
提示: 作者被禁止或刪除 內容自動屏蔽

TOP