Legend Bricks討論區古代 › 查看主題
本周熱帖

5238

查看

3

回復
返回列表

Rank: 6Rank: 6

go

10237- Tower of Orthanc 開箱報告 by Vincent Chow

樓主
發表於 2013-8-12 12:56 AM | 只看該作者 | 倒序看帖 | 打印

10237… 個盒一拎上手就感覺到一份誠意
(利申, 筆者本身係一個魔戒迷…)

只係睇個盒既大細, 份量同標明既實物尺寸, 已經覺得好似好抵玩…  

薩羅曼, 甘度夫, 獸人,  大鷹,  獸人, 樹人.. 仲有一個我的確唔知係邊個…….  唔囉唆.. 開盒..


0.jpg


開盒就見到有15, 3本說明書, 1張好靚既貼紙..見到即時忍唔到手砌隻鷹先..呵呵..




1包係砌樹人下半身…  依書直砌, 砌完唔知係樹人定泥人不過幾喜歡粒磨菇既擺
()

連埋隻獸人.. 砌完前邊就係多左黎既PARTS…..  (之後發覺好多包都有多件情況出現…)




2包砌埋樹人既上身.. 左手正常砌法可動範圍不俗.. 右肩位有機關..砌落就覺得..

10萬個唔理解, 點解右手要咁樣加個齒輪關節入去呢? 有點多此一舉既感覺..

完全唔係特別靚同大大限制在右手既活動範圍.. 不理解..

繼續砌砌埋個樣…. 又唔明…. 明明套戲D樹人個樣好型仔, 點解呢SET設計師要將樹人砌到高低眼咁奇怪既呢?  砌下砌下, 一隻我個人有點不滿意的樹人就砌好了





開第3..

強獸人同老鼠都出現了…..  開始起塔,第一層係….  養狼?

室內簡簡單單, 貼上貼紙都幾有FEEL.. 加埋骨骨同鍊球,都叫有D睇頭.. 砌埋個頂,  有個機關

即係.. 上層行既人如果中機關就會跌落去餵狼….. D骨原來就係咁黎既….. 真係.. 兒童向.. ()

室外就預留左好多STUD.. 未知用黎做咩.. 同埋斜位有個斜向結構備用..(影漏一張相..下邊第二層影外邊可睇到….)






42.. 呢個應該係大廳.. 有擺設同大門就裝在斜位

呢個位可睇到90度裝既門, 同埋下邊紅色預留既結構..  2層外都留左好多STUDS..

2層無咩特別,  門口位, 兩枝旗少許擺設就完事了



5, 6, 開始為頭兩層埋尾..


先黎呢個組件有D特別, 特意係天花留左個洞.. 用途暫時不明

之後呢個位就好有心思了, 原來1層預留既結構係用黎插條樓梯入去的… !!

呢個方法就解決左45度斜位點裝樓梯既問題了..


之後就一塊塊依書開始組裝.. 原來一塊塊組件就係外牆…  一塊塊裝上1, 2層預留既STUD

一塊塊裝晒上去塔底兩層即時靚仔晒..







TOP

Rank: 6Rank: 6

沙發
發表於 2013-8-12 01:02 AM | 只看該作者

7.. 無錯…. 薩羅曼出場了 ~~~~~

薩羅曼: 點解咁耐都未起完個塔..!!

獸人: ……..

0.jpg



薩羅曼: 仲唔快手砌我間房!!

獸人: ……..



先砌兩邊書架牆上原先預留既位係正個書架中間點用呢?

原來



係用1X2加夾啪上去裝假狗…  XP…  實在好有趣…. 另一邊都係一樣砌法雖然件數用既數量係一樣, 但係咁既設計總令人有種慳在磚既錯覺….


中間.. 終於到唯一一粒既發光件了..

就係裝入呢度正諗緊如果個開關位放左入去, 點開燈既時候




就發現下一步係砌樓下個層既天花燈..  偉大.. 原來就係用一枝天花燈做開關暗掣既機關, 通過之前留下既洞位, 由下邊頂上去開燈…..  一亮燈, 本身暗色既魔球即時過來…. ..!!



薩羅曼: D開第8包完成我間房既裝修

獸人: ….有排起………




開始裝飾呢一層, 窗口, 外牆, 露台.. 愈砌愈靚仔..

跟手砌埋薩羅曼既寶座…  之後就開第9包了..


9包繼續裝飾同起埋呢一層個頂

睇到個頂用左TILE, 就知道個塔高到要分開模組化.. 唔係就太高太難移動..  呢一層就係第一部分既完結了 ~~




話咁快就去到第10, 去到第3本說明書了

呢個人仔我真係仲未記得佢係邊個





一步步跟住砌..一路砌一路唔知係咩呵呵..

砌砌下入邊.. 就轉左去砌出邊既裝飾件.. 其實呢個塔既外牆幾有啟發性, STUD位在外牆, 唔同既組件啪上去就有唔同既裝飾… (可能係我孤陋寡聞  )



入返去砌埋D煲煲樽樽.. .. 原來呢層係煮野既地方

有個簡單既機關, 個煲可翻落黎…  翻落黎做咩呢? 點解要咁設計呢? 又一個問號



之後一枝枝砌上去再用ARC件包住..就成為靚仔窗花了..



TOP

Rank: 6Rank: 6

板凳
發表於 2013-8-12 01:08 AM | 只看該作者
本帖最後由 Jared 於 2013-8-12 01:11 AM 編輯

完成呢一層再向上砌..

呢層係書房…  (亦係我全個塔砌得最開心, 覺得最精緻既一層)..

跟住說明書砌, 枱仔, 櫃仔出晒黎, 中間仲有個平台位... 就咁睇無咩睇頭...

0.jpg


0.jpg



不過一擺晒D地圖, 書信入去..  成間房精緻左好多.. 書房感覺出晒黎..

之後就砌牆貼埋貼紙壁畫…  成個房個FEEL靚到呢

砌埋外邊既裝飾.. 同慢慢收窄既頂..  就可以砌上之前既塔底了




一砌埋上去…5層樓個塔已經好高好有氣勢了..



13甘度夫終於出現喇~~~~~~



呢層又係好好玩.. 因為..

一開始砌個地下.. 跟住個結構就已經知有機關..

再砌落去.. .. 原來呢間係放武器既地方

地下個夾用黎做咩呢?





原來係一條摺梯連埋地下既機關就係一條可通往下層既摺梯!!





玩完個摺梯再向上砌, 終於開始準備塔頂了

塔頂中間部份反而無咩特別, 係預備左好多夾..

之後就一塊一塊砌完一塊塊啪入D夾度就大功告成!!




完成品圖…. 前後左右睇都咁有氣勢!!!! 不愧為TWO TOWER既其中一TOWER!!  


呢一SET真係有份量有心思, 有霸氣之餘又有啟發性..  真係好好玩.. 絕對無俾左版權費將貨就價既感覺. 好抵玩..  喜歡城堡, 魔戒既朋友真係不容錯過


在此特別鳴謝樂高公司提供產品~

圖文:Vincent Chow

代為出post: Jared Chan

TOP

xqoop 該用戶已被刪除
地板
發表於 2015-9-23 10:04 AM | 只看該作者
提示: 作者被禁止或刪除 內容自動屏蔽

TOP