Legend Bricks討論區科幻 › 查看主題
本周熱帖

7023

查看

1

回復
返回列表

Rank: 6Rank: 6

go

開箱報告 ﹣ 10236 Ewok Village

樓主
發表於 2013-7-14 03:35 PM | 只看該作者 | 倒序看帖 | 打印
本帖最後由 Jared 於 2013-7-14 04:24 PM 編輯

今年最令人期待既星戰LEGO set應該都係呢盒10236 Ewok Village啦!新set九月先至推出,但非常感謝LEGO公司,俾左一盒我地做開箱文,同大家一齊先睹為快!

最初見到呢盒set果陣,小弟非常之興奮,而佢亦都冇令我失望。Ewok Village有十七個人仔,同好多好有用既配件,砌既過程一路都有唔小驚喜,完全感受到設計師既精心安排,不容錯過!

最初見到發佈時d相果陣,我諗起同樣係關於電影第六集既8038 The Battle of Endor,但呢set更加高一個層次!成個作品完成度非常之高(真係一條村,而唔係一個佈景板!),結構非常之堅固,而且產品更加非常之美觀(用左3次非常之添。。。詞窮)。幾乎每一個部份都有特別嘅地方可以吸引到大朋友同小朋友。玩家可以好輕易咁重現多個電影場景,例如捕捉反抗軍,死亡星毀滅之後既慶祝派對等等。

今次我地先由個盒講起啦,封面設計同Endor森林一樣,而盒面同盒頂都詳細展示左十七隻人仔。盒背就介紹左村內各個機關同特色,睇到都流哂口水。


0.jpg

0.jpg


0.jpg


盒內有三本說明書,十二個有號碼既膠袋,一個無號碼既膠袋,同一塊plate。唔鍾意貼紙既朋友唔需要擔心,因為呢set只係有一張好細嘅貼紙,唔用都無大影響。

0.jpg


因為設計師將村落分開多個迷你模型設計既關係,可以幾個朋友一齊砌,再合組成一個大模型。事實上,我今次就係同另一個朋友Timothy一齊砌ga啦!

今set既人仔分佈係唔同既膠袋入面,要一路砌先至見得齊佢地,十足Advent Calendar一樣:

帝國士兵:雖然近年LEGO公司出左唔少Battlepack,但白兵始終多多都儲唔夠,今次既Scout Trooper同Stormtrooper頭部都有printing,誠意十足!




反抗軍同機械人:



Ewoks


有成五隻咁多!每隻都有唔同顏色同設計,睇下佢地頂帽?好精美!


天行者家族:





Leia公主用呢個髮型同裙登場都係第一次見,大家鍾意嗎?而三隻人仔入面,Leia公主同Luke既頭係有兩面印刷既。我唔太明白點解Han Solo會無。。。再睇落去你就會明白點解我咁問啦。。。

開始動工!第一包配件裝住既係一架speeder bike同一部投石機。個人特別喜歡呢部投石機,因為佢用橡膠technic件製造既發射機制設計簡單,按落去,放手就會彈到石頭出去,投石功效都唔差ga!


成條村莊有4棵樹,但因為每一棵都有獨特設計,所以砌既時候唔會怕悶親!單係樹幹已經有機關,密室,詳情唔講太多,大家砌既時候慢慢發掘啦!






唔好睇D Ewok細細隻,佢地既建築技術水平比好多地球人仲要高。村莊好多地方都用左SNOT技術(即係等於有唔少珍貴既SNOT件),鍾意玩技巧,砌MOC既玩家一定會好開心~

沙綠色側接磚呀!


砌完樹幹就輪到樹屋層既平台啦 (深卡奇牆角件呀!)





平台以Technic件作為骨幹,堅固之餘唔笨重。用膠管做既圍柵簡單而美觀(砌之前輕微拗一下先可能會更好),而每一間樹屋都有齊佈置同埋有唔同既功能(上圖就有一張Ewok size既床啦),為閣下砌果時既拼砌體驗著想,小弟唔打算逐間房影出黎啦!,完成品好有一條溫馨小村莊既感覺~

Ewok village既色調雖然比較深沉,但用上既顏色其實非常之多,有深啡,普通啡,卡奇,深卡奇,深橙,奶茶,深綠。配合出黎效果自然,同真既森林一樣。呢D顏色既零件對於鍾意砌地型,樹林,城堡既玩家應該會好有用。

至於用件都係基本件為主,無任何大而無當既配件,除左上面提及過既沙綠色側接磚/深卡奇牆角件(特別配件+罕有顏色既配搭),仲有小弟等左好耐既全新配件:

3x3 plate!!!

汽車倒後鏡?

完成品


大功告成!村莊好靚好完善!可以玩啦!除左上文提及過既一D可玩之處,你仲可以做好多好多野。。。例如:

生擒Wookie。。。


登高望遠(題外話,吊橋設計值得一讚!)。。。


攪營火晚會BBQ (而家明白點解我話Han Solo個頭應該要有兩面printing 未呢?)。。。


原力飄浮(同慘叫)。。。


又或者玩下敲擊樂(個沾污版Stormtrooper頭盔靚到呢。。。)
講到呢度,都係時候總結一下。雖然呢盒1990件配件既星戰set唔係最大既一set,但絕對係近年論精細,拼砌樂趣,可玩度最高既其中之一。技巧成熟得黎唔會太複雜,年青既朋友絕對應付得黎。大朋友亦應該會對D精心設計既人仔,有用既配件同壯觀而仔細既村莊設計動心。我非常推薦呢!

作者: Jared @ Legend Bricks, 2013年7月


0.jpg

TOP

Rank: 6Rank: 6

沙發
發表於 2013-7-28 03:04 PM | 只看該作者
詢眾要求,我地再影多左幾張Ewok Village既相俾大家頂住癮先~

首先係一張光少少既全景相:
0.jpg


跟住都係一張光少少既全景相... 咪住!D樹屋全部倒轉哂既?其他全部樹屋(除左有滑梯果間)都可以隨意轉動,方便檯面唔夠空間既玩家,好細心呀!


以下係樹屋內裝,想留返玩自己果陣仲有小小神祕感就唔好睇住啦:


床既長度。。。令我諗起白雪公主同7個小矮人 ;-)


兄弟們,準備作戰啦!


Ouch!


Wwrrrrraaaaaaa!!!!


錫錫 (打緊仗呀!你兩個係度做乜野?)







送上一張剩件既相,竟然膠管同黑色繩都有spare,發達了!:


希望大家喜歡呢個review同D Bonus圖啦,下次再見,88!

TOP