Legend Bricks討論區建築物 › 查看主題
本周熱帖

2708

查看

1

回復
返回列表

Rank: 6Rank: 6

go

Gare du Nord, Paris - 製作花絮

樓主
發表於 2013-7-12 03:25 AM | 只看該作者 | 倒序看帖 | 打印

0.jpg


經常有朋友問我地,你地D作品點砌ga?係咪跟說明書ga?一直都好想同大家分享下創作過程,所以今次製作巴黎北站時,特別影左小小花絮~



上年年尾同好兄弟遊歐洲,由比利時坐火車到法國,係巴黎北站落車,可惜無太多時間好好行下個火車站。半年後,有幸同Legend Bricks一班兄弟回到太古城中心創作"7 Wonders of the World"展覽,小弟負責巴黎北站,以作為英法隧道法國部份既代表性建築物。





今次既製成品只有車站主樓既中央部份(成個車站太大了)連同5個月台。主樓(不計月台)佔用3塊48x48版,建築期為一個月,呢張相就係6月2日動工當日影既,不過呢個部份3日後就因為比例太細,要推倒重來。而成個建築物,就係跟住檯上一張簡陋既A4紙草圖,以及網上搜尋既相而砌ga啦!。。。



光陰似箭,時間跳到6月23日(唔好問我點解過左成20日都只係砌得咁少>_<),大家可以見到建築物被分開兩份,事實上,為左方便運輸,中間部份其實亦係獨立砌出黎ga!



6月26日,呢張相影得遲左D。因為中間砌大拱門既時候又拆又砌,試唔同既砌法,度位,花左一番功夫。Anyway,去到呢一刻個外殼大致完成。

(註:車站頂果條古怪既tan色柱唔係避雷針~係俾我做高度參考用既,作品完成後既高度大約就係去到果個位啦~)




6月28日,車站背後既玻璃窗睇落只係重複性動作,但其實粒粒皆辛苦,砌果陣覺得自己有D似工廠女工(辛苦William累到不似人形都幫手砌左D)。。。
好多時都有朋友問我地係邊度搵零件,係咪無限資源?其實我地砌作品既時候都做左好多取捨。例如車站前面既玻璃窗,其實應該係沙藍色(稀有品)既,而背後既呢一塊,用沙綠(又係稀有品)而唔用透明綠會更似實物(原諒我,砌膠時兵慌馬亂,背景唔太見得人。。。)~



6月30日,平頂加掛上國旗,但仲有好多功夫未做完呢(唔知點解張相upload上brickshelf後變左打橫出,攪唔掂)。。。例如砌車站內部既告示牌,售票處等等。。。但最大既考驗仲未到。。。



7月3日。。。登登登登。。。運到會場,但係拆箱果陣整散左正面既三份之二。。。

係呢一刻,我做左一個好重要既決定。。。搵人同我仲有D頹垣敗瓦影合照 ;-)

當然果晚要找數修復啦,不過LB兄弟遇著呢D情況都會笑住面對(5月時Leo兄弟亦係澳門表演左現場即砌賽車女郎,EQ之高簡直驚人),希望好快再同大家分享新作品啦~多謝大家欣賞!多謝各LB兄弟係成個event期間既辛勞付出!Bye~

TOP

smneu 該用戶已被刪除
沙發
發表於 2015-6-20 03:42 AM | 只看該作者
提示: 作者被禁止或刪除 內容自動屏蔽

TOP